Nissa, lou 17 de junh dòu 2022.

La Coumuna de Nissa vòu levà lu ferries per Còrsega e lu remplaçà per un pargue de yachting. Mentre que touti li autri vila fan la grana caça ai ouligarca, la nouòstra fa assoulutament tout per souinà lu sieu batelàs.

La pousicioun dei elegit ecoulougista es pròpi clara : refudan que lou Pouòrt doun si naissèt Garibaldi sigue sacrificat sus l’autà dou tourisme de lùssou.

Lou quartié dou Pouòrt es dai Nissart. Es un luèc de vida poupular e non pas un club privat.

Refudan la supressioun dei ligamen tra Nissa e Còrsega perque l’ecoulougìa noun dèu servì de pretèste au desmantelamen d’una ret de traspouòrt que cadun pòu emplegà.

Lou païsage nouòstre es pas da vendre. Es per acò que demandan la fin d’aquesta « poulìtica de la carta poustala » menada embé tan de gaubi per l’atuau cònsou de Nissa.

Davant dei sieu pantais de grandour d’un temps que Berta filava, pourtan definitivamen un prougèt d’avenì.

Lu elegit dòu Groupe ecoulougista